22.05.2025-ci il tarixində saat 12⁰⁰-da Azərbaycan Respublikası Elm və Təhsil Nazirliyi Riyaziyyat və Mexanika institutunun Qeyri-harmonik analiz şöbəsinin müdiri, Odlar Yurdu Universitetinin İnformasiya texnologiyaları və riyaziyyat kafedrasının müdiri,  AMEA-nın müxbir üzvü, Riyaziyyat üzrə elmlər doktoru, professor Bilal  Bilalov Riyaziyyat- informatika fakültəsində “Banax qiymətli elliptik tənliklərin bəzi problemləri” mövzusunda ustad dərsi keçəcək.

Riyaziyyat-informatika fakültəsinin professor-müəllim heyəti və tələbələr ustad dərsində iştirak edə bilərlər.

19 may 2025-ci ildə Gəncə Dövlət Universitetində Alman dili kafedrasının təşkilatçılığı ilə “Dil öyrənmədə oxuyub-anlama vərdişlərinin formalaşdırılması üsulları” mövzusunda təlim baş tutacaq.

Təlim Alman dili kafedrasının baş müəllimi Gözəl Qasımova tərəfindən aparılacaq.

İstiqamətlər

Müsabiqədə həm texnologiya həm də sosial innovasiya yönümlü ideyalar iştirak edə bilər. Aşağıda qeyd edilən kateqoriyalar müsabiqədə iştirak edəcək ideyalar üçün nümunələrdir. Lakin fərqli mövzularda olan maraqlı ideylar da müsabiqəyə müraciət edə bilər.

Məhsul və ya Xidmətlər: Bazarda müəyyən ehtiyaclara cavab verən yeni məhsul və ya xidmətlərlə bağlı ideyalar.  

Sosial və ya Yaşıl artımla bağlı problemlər: Ətraf mühitə və ya sosial problemlərin həllinə kömək edən ideyalar.

Bədii yaradıcılıq: İncəsənət sahəsinə daha çox insanı cəlb etmək, sənətə olan qiymətin artması və incəsənətin cəmiyyətdəki əhəmiyyətini artırmaq, bədii yaradıcılığı daha əlçatan etmək, və ya hər hansı bir sənəti kommersiyalaşdırmaq üçün ideyalar.

Kampusla bağlı İnnovasiyalar: Kampus həyatını zənginləşdirəcək və ya kampuslarda sərfiyyatı azaltmaqla bağlı innovativ ideyalar.

Qiymətləndirmə Meyarları

Müsabiqədə iştirak üçün müraciət edən layihələr aşağıdakı 6 meyar üzrə qiymətləndiriləcək:

1.    Problem/ehtiyac kifayət qədər aktualdır və aradan qaldırılması mümkündür.

2.    Təklif olunan məhsul /həll yolu aydın dəyərə malikdir və insanlar tərəfindən qəbul olunma ehtimalı yüksəkdir.

3.    Cari zaman ideyanın həyata keçməsi üçün uyğundur və ehtiyac hələ qarşılanmamışdır

4.    Müştəri bazarı mövcuddur və müştərilərin təklif olunan məhsula ehtiyacı var

5.    İdeyanın həyata keçməsi üçün ciddi maliyyə tələb edilmir və aydın gəlir modeli var

6.     Bazara daxil olmaq üçün maneə yoxdur və alternativ məhsullardan fərqli dəyər təklif olunur

Necə iştirak etmək olar

Müsabiqə iki fərqli kateqoriyada təşkil ediləcək:

1. Tələbələr arasında

2. Akademik-İnzibati heyət arasında

 İştirakçılar müsabiqə şərtləri daxilində istədikləri sayda layihə ilə yarışmaya müraciət edə bilər.

Müsabiqəyə komanda şəklində (3-4 nəfərdən ibarət komanda) müraciət etmək tövsiyyə olunur.

Müsabiqədə yalnız GDU-nun akademik-inzibati heyəti və tələbələri iştirak edə bilər.

Müsabiqədə iştirak etmək istəyən şəxslər aşağıdakı link vasitəsi ilə qeydiyyatdan keçə bilər.

https://forms.gle/dSvsPBeGeqtp45ou6

Müsabiqəyə təqdim olunan ideyalar iki mərhələdə qiymətləndiriləcək. Əvvəlcə təqdim olunan bütün ideyalar meyarlar üzrə qiymətləndiriləcək. Seçilmiş ideyalar növbəti mərhələ olan final mərhələsinə keçəcək. Finalçılar hazırlıq mərhələsindən keçdikdən sonra finalda təqdimat edəcək və ən yaxşı ideyalar qalib elan ediləcək.

Müraciət tarixi:  12.05.2025 – 07.09.2025

İlkin qiymətləndirmə: 08.09.2025 – 12.09.2025

Finalçıların elanı: 15.09.2025

Finala hazırlıq: 15.09.2025 – 25.09.2025

Finalda yekun təqdimat və qaliblərin seçimi: 03.10.2025

Mükafat fondu

Qaliblər rektorun müvafiq əmrinə əsasən universitet Elmi Şurasının qərarı əsasında aşağıdakı formada mükafatlandırılacaq:

Akademik-inzibati heyət arasında təşkil ediləcək müsabiqənin qalibləri üçün:  I yer 800 AZN, II yer 600 AZN, III yerə 400 AZN pul mükafatı nəzərdə tutulmuşdur.

Tələbələr üçün isə bu məbləğ I yerə 700 AZN, II yerə 500 AZN, III yerə isə 300 AZN nəzərdə tutulmuşdur.

Bunlardan əlavə olaraq qaliblərə müsabiqənin sponsorları tərəfindən əlavə həvəsləndirici mükafatlar təqdim olunacaq. Final mərhələsində iştirak hüququ qazanmış bütün iştirakçılara universitetin rektoru tərəfindən imzalanmış sertifikatlar təqdim ediləcək.

Ü.Hacıbəyli adına Bakı Musiqi Akademiyasının bəstəkarlıq fakültəsinin məzunu, bir çox xarici ölkələrdə ixtisaslaşma keçmiş, tanınmış Azərbaycan bəstəkarı, musiqişünas, kulturoloq və publisist, müasir musiqiyə həsr olunmuş konsertlərin və zəngin məzmunlu layihələrin müəllifi və rəhbəri Elmir Mirzəyev tərəfindən Gəncə Dövlət Universitetində ustad dərsi keçiriləcək.

Ustad dərsinin 19 may 2025-ci il tarixdə saat 12:00-da “Musiqi fənləri” kafedrasında “online” formatda keçirilməsi nəzərdə tutulmuşdur.

Magistratura Şöbəsi və Tələbə Elmi Cəmiyyətinin təşkilatçılığı ilə keçirilən “İlin Magistrantı” nominasiyası müsabiqəsinə elmi fəaliyyəti, təhsil göstəriciləri və ictimai fəallığı ilə seçilən tələbələrin namizədliyi qəbul olunur.

Namizədlər üçün əsas tələblər:

1. Elmi fəaliyyət

            •           Yerli və beynəlxalq jurnallarda dərc olunmuş minimum 2 elmi məqalə;

            •           Respublika və beynəlxalq elmi konfranslarda minimum 1 məruzə ilə iştirak;

            •           Patent və ya tədqiqat layihəsi (əgər varsa – üstünlük verilir).

2. Təhsil göstəriciləri

            •           Ümumi orta müvəffəqiyyət göstəricisi: 85+

3. Tələbənin elmi-pedaqoji və ictimai fəaliyyəti

            •           TEC və digər elmi, ictimai və s. təşkilatlarda aktiv iştirak;

            •           Universitetdə təşkil edilən seminar, təlim və tədbirlərdə fəallıq;

            •           Yay məktəbləri və tələbə təlimlərində iştirak.

4. Tədqiqat işinin aktuallığı və tətbiqi

            •           Mövzunun cəmiyyət, elm və sənaye üçün önəmi;

            •           Magistr işi haqqında qısa izahat (müdafiə ərəfəsində və ya hazırlanma mərhələsində olan).

5. Xarici dil bilikləri

            •           İngilis və ya digər xarici dillərdə akademik bacarıqlar (sertifikat varsa: TOEFL, IELTS, Duolingo və s.).

6. Tövsiyyə məktubu

            •           Elmi rəhbər və ya fakültə müəllimi tərəfindən imzalanmış rəy məktubu.

7. Müsahibə

            •           Tələbənin elmi baxış bucağı, motivasiyası və təqdimat bacarığı nəzərdən keçirilə bilər.

Müraciət üçün son tarix: 23.05.2025

Ətraflı məlumat üçün Tələbə Elmi Cəmiyyətinə və ya Magistratura Şöbəsinə müraciət edə bilərsiniz.

Gələcəyin alimi sən ola bilərsən – fürsəti qaçırma!

Tədris departamenti tərəfindən 12 may 2025-ci il tarixdə saat 10:00-da İnnovasiya departamentinin iclas zalında kafedralarda tədris olunan fənlərin tapşırıq sənədinin hazırlanmasına dair təlimlər keçiriləcəkdir.

Təlimdə iştirakı nəzərdə tutulan müəllimlərin iştirakını təmin etməyiniz xahiş olunur.